MOHAMMED HASAN
اهلا بك في منتديات MOHAMMED HASAN , إذا كانت هذه زيارتك الأولى للمنتدى نرجو منك ان تقوم بالتسجيل من خلال الضغط على كلمة التسجيل

MOHAMMED HASAN

مرحباً بكم في منتديات MOHAMMED HASAN,للمشاكل والإستفسارت و جميع الأسئلة المُتعلقة في المنتدى الرجاء الأتصال من داخل الأردن على الرقم الآتي:0796212653 أو من خارج الأردن على الرقم الآتي:00962796212653
 
الرئيسيةالبوابةالتسجيلدخول
www.mohammedhasan.top-me.com

شاطر | 
 

 الملك الطفيلي وبناته الثلاثة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Susu91
مشرف
مشرف


عدد المساهمات : 38
تاريخ التسجيل : 28/03/2010
العمر : 25

مُساهمةموضوع: الملك الطفيلي وبناته الثلاثة   السبت مايو 01, 2010 3:16 am

من اجمل ما قرأت من القصص الاردنية


*الملك الطفيلي و بناته الثلاثة *


كان يا ما كان في قديم الزمان. ملك طفيلي عنده ثلاث بنات حب في يوم من الأيام

انه يختبر حبهم اله. جاب الكبيرة (وجه الب*****ة). وقالها: يابا يا حبيبتي قديش

بتحبي أبوكي الملك

البنت من غير تفكير : بحبك قد ما السمك بحب البحر

الملك فكر وقال في باله : ايهو السمك بقدر يعيش بدون بحر هاي البنت بتحبني كتير

. وقال الها : أنا كنت عارف انك بتحبيني بس مش لهدرجة . وقام اعطاها قصر كبير ومجوهرات

جاب البنت التانية ( واسطة العقد ) وسألها نفس السؤال .. فقالتله : بحبك قد ما

الطير بحب السما . انبسط الزلمة وكيف . وأعطاها قصر جنب أختها ومجوهرات وميمعة

بعدين جاب البنت الصغيرة ( اخر العنقود اللي بموت فيها ) وسألها نفس السؤال .

قامت جاوبته : بحبك قد ما الدقة بتحب الشطة

الزلمة زعل وعصب وقام لفحها كف خلا أيديها و رجيلها اربعة ومسكها من شعرها

وزتها برة القصر . وما رضي يسمع منها ولا نص كلمة . البنت دارت بالحواري وعلى أرصفة الطرقات وتسمع كلمة من هاد وكلمتين من هداك .

لغاية ما ربنا حن عليها و أجاها مزارع مسكين على باب الله حبها وحبته وراحوا سكنو بالكوخ تبعه اللي بنص الغابة

ودارت الأيام ومرت الأيام ما بين بعاد وخصام

وفي يوم من الأيام كان الملك قاعد بتصيد بالغابة ونسي حاله وسرح وضاع بالغابة .

دور على المرافقين . ولا هم هون . طب الحرس وين الشباب؟؟؟؟؟؟؟؟ لا حياة لمن تنادي . ضل الملك يمشي ويمشي .لغاية ما لقي هالكوخ لصغير قال يلا بفوت برتاح وباكلي لقمة. دق على الباب فتحلوا صاحب البيت وهو مش عارفه. دخلوا جوا وهو شايفه تعبان. وصار يحكي مع الزلمة.. مرته مش خافي عليها الصوت. قام الزلمة بيقول للمرة اذبحيلنا جاجتين خلينا نتعشى ونعشي الضيف. المرة مين طبعا ؟؟؟؟؟؟؟؟؟

واضحة بنت الملك المقصوفة الصغيرة بدت تشتغل بالجاجات وخطر على بالها فكرة. نادت جوزها وقالتله خود شوية الدقة هاي مع صحن زيت سلكو فيهم لغاية ما يخلص الاكل شكله الزلمة ميت من الجوع

والله الزلمة عجبته الفكرة وقام حط الزيت والدقة قدام الملك وقاله: اتفضل يا

عمي على بين ما يجهز الاكل . الملك ميت جوع وهو بحب الدقة كتير. ما بلع اول

لقمة ولا صار بده يستفرغ

وصاح بالزلمة : ولكو شو هاظ دقة من غير شطة ؟؟؟ كيف بتاكلوها هاي؟؟؟؟؟؟؟؟؟؟؟

وفجأة اتذكر بنته الصغيرة وصار يعيّط زي الهبايل . قاله الزلمة: ول، شو مالك يا

زلمة انت العاقل . كل هاظ مشان شوية دقة هسة الجاج بخلص...قلعطتني...شو هالعالم

هاي. راح الملك حكى للزلمة القصة . وهو خلص من هون نطت البنت وقالت :

بخخخخخخخخخ ،،، كيفك يابا؟ عرفت قديش بحبك يا اهبل ؟؟؟؟؟؟

وهيك عرف الملك قديش بتحبه بنته . وجابتله دقة بشطة . طبعا ما أكل منها ولا

لقمة لأنه نزل بالجاج جرد

و أعطاها قصرين ومجوهرات و سوبر ماركت و كروز دخان علشان هي بتأرجل، وشغل جوزها

شفير على باص كوستر

______________________مـــــــــــنــــــــــــتـــــ تـــــــــوقــــــــــــيـــــــــــع الــــعـــــــــضـــــــــــو ـــديــــــات MOHAMMED HASAN______________________
[ندعوك للتسجيل في المنتدى أو التعريف بنفسك لمعاينة هذه الصورة]

°•.ஓ .•° ( ترى الدنيا ماتسوى) °•.ஓ .•°


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Admin
Admin
Admin


عدد المساهمات : 77
تاريخ التسجيل : 04/03/2010
العمر : 19
الموقع : www.mohammedhasan.top-me.com

مُساهمةموضوع: رد: الملك الطفيلي وبناته الثلاثة   السبت مايو 01, 2010 12:04 pm

مشكورة على القصة الجميلة
الرجوع الى أعلى الصفحة اذهب الى الأسفل
http://mohammedhasan.top-me.com
 
الملك الطفيلي وبناته الثلاثة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MOHAMMED HASAN :: المنتديـــات الترفيهيــــة :: أضحــــــــك و ابتســــم-
انتقل الى: